Einfaldar Soyakjöts vefjur

Það er alveg óskaplega einfalt að eiga pakka af Oumph! eða Tzay soyakjöti í frysti en það er líka hægt að græja þennan einfalda hakk rétt í staðinn með soyahakki,linsubaunum eða einfaldlega fallegu íslensku bankabyggi.

TORTILLUR:

Það er erfitt að vita hvaða ýruefni eru notuð við framleiðslu Tortilla vefja, en SantaMaría fyrirtækið er einstaklega duglegt að svara tölvupóstum og notar eingöngu ýruefni úr plöntum, því kaupi ég alltaf vefjur frá því fyrirtæki, mæli með að senda þeim líka tölvupóst, á endanum hljóta þau að vegan merkja hjá sér!
P.s. ég er ekki í neinu samstarfi við Oumph!, Tzay eða SantaMaría.

INNIHALD:

  • SantaMaría Tortilla vefjur
  • 1 dós svartbaunir
  • 1x pakki soyakjöt
  • Ferskt kóríander
  • Piccolo eða Kirsuberja tómatar
  • 1x Lime
  • 1x Lárpera (Avacado)
  • Chilli Mayjones og eða Aioli
  • Gróft salt, helst maldon.
  • Hrísgrjón

„Sjóðið hrísgrjón á meðan undirbúningi stendur.“

LEIÐBEININGAR:

Þegar ég nota Oumph! þá er ég hrifnust af Garlic & Thyme, ég byrja á því að skera það smátt (hef tekið það úr frysti soldið á undan) og maka svo saman við það 2 msk af olíu og 1 msk af hvítlauksdufti. Læt það svo liggja á meðan ég undirbý annað inní vefjurnar. Ef ég nota Pure Oumph! þá geri ég eins nema ég set alveg 2msk af hvítlauksdufti, sama ef ég nota Náttúrulegt Tzay. Kebab Oumph! er líka vinsælt í vefjur þó það sé ekki í uppáhaldi hjá mér.

  • Skerið tómatana í báta, setjið í skál og 1 msk af grófu salti saman við.
  • Skerið kóríander fínt eftir smekk.
  • Skolið svartbaunirnar og setjið í skál, kreistið lime yfir, bætið kóríander útí. Ef þú sleppir tómötunum er mikilvægt að salta svartbaunirnar í staðin, en þá með minna salti.
  • Skerið lárperuna í litla teninga eða maukið í Cuacamole.
  • Steikið soyakjötið, þetta er forelduð vara svo einungis þarf að hita.
  • Skellið vefjunum saman, mér finnst best að smyrja chilli mayjonesi neðst, smá hrísgrjón, svartbaunablandan, tómatar, lárpera og soyakjöt. Ef ég er líka með aioli þá fer það efst, annars önnur sletta af Chilli mayjones.

Njótið vel,
Kveðja Vigdís

Einfaldur Karrý

Klassískur Karrýréttur, okay ekki alveg einfaldasti en hann er bara svo góður! Það er vel hægt að einfalda hann og geri ég það reglulega t.d. með að sleppa sinnepsfræjum, engifer, sætunni og lime leaves, en persónulega finnst mér hann lang bestur svona.

Karrý

Mér finnst líka ótrúlega gott að ofnbaka sætar kartöflur með smá olíu, hvítlauksdufti og salti, bæta svo út í réttinn þegar hann er tilbúinn..

Sætar Kartöflur

INNIHALD:

  • 1 tsk sinnepsfræ
  • 15g ferskt smátt skorið engifer
  • 1 msk hvítlauksduft
  • 140g laukur (1-2)
  • 2- 4 hvítlauksgeirar (um 20g)
  • 300g spergilkál
  • 70g tómatpúrra
  • 2 msk af karrý mauk
  • 1 dós kókosmjólk
  • 1 dós kjúklingabaunir
  • 2x Kallo Grænmetiskraftur
  • 1 msk soyasósa
  • 1 msk hlynsýróp/sykur (má sleppa)
  • 100g Cashew hnetur (má sleppa)
  • 2 msk Matarolía til steikingar ef vill,
    annars vatn, ef notar er vatn er gott að hafa glas við hendina og bæta msk út á í senn.
  • Lime leaves (4-8 stk)
  • Salt

HUGMYNDIR AÐ MEÐLÆTI

  • Soðin hrísgrjón
  • Ristaðar kókos eða möndluflögur út á í lokin
  • Ofnbakaðar sætarkartöflur
  • Ferskur kóríander út á í lokin.

LEIÐBEININGAR:

Hitið ofninn í 180°C á blæstri
(Til að ofnbaka kartöfluna í teningum, sleppir þessu ferli ef þú hefur ekki kartöflur með).

Skerið kartöflurnar í tenginga, hristið saman við olíu, hvítlauksduft og salt, bakið í ofni þar til mjúkar.
Setjið einnig hrísgrjónin af stað.

  • Hitið olíuna á pönnunni (ekki hæðsta hita), þegar hún er orðin heit setjið sinnepsfræin og engiferið út á, steikið í örstuttastund, þá poppar í fræjunum, gætið þess að brenna ekki engiferið.
  • Bætið lauk & hvítlauk út á, steikið þar til laukurinn er orðinn glær, bæti svo kjúklingabaunum út í (munið að geyma kjúklingabauna soðið og frysta til nota í Aquafaba uppskiftir),Cashew hnetum, soyasósu, hlynsýrópi, tómatpúrru og karrý mauki út á pönnuna og veltið í smá stund, gætið þess að brenna ekki.
  • Kókosmjólk saman við, grænmetiskraft og lime leaves ef þau eru til (hafið þau heil), fáið upp smá suðu og hrærið vel, bætið spergil káli út á og látið malla í max 2 mínútur eða þar til það er orðið fagur grænt.
  • Saltið eftir smekk þegar komið er á diskinn, fyrir suma er soyasósan og grænmetisteningarnir nóg salt,en með því að sleppa því að elda saltið er hægt að komast upp með að nota mun minna af því.
  • Ef það á ekki að borða réttinn alveg strax er oft nóg að bæta spergilkálinu út á þegar búið er að slökkva undir.

Njótið vel,
Kveðja Vigdís

Hakkréttur með Pintóbaunum

Pintó baunir eru uppáhalds baunirnar mínar fyrir hakkrétti, mér finnst þær svo miklu bragðbetri en nýrnabaunir! Í þessum hakkrétt er einfaldasta gerðin af hakki, frosið hakkað soyjakjöt en ég geri hann mjög oft úr linsubaunum eða einfaldlega fallegu íslensku bankabyggi.

Ég hef sett þessa uppskrift í Cronometer og því eru til eitthvað af næringarupplýsingum:
100g af þessum rétt gera 71kcal ef eingöngu er notast við vatn til steikingar, ef notaðar eru 2msk af olíu til að steikja laukinn gera 100g 91kcal. Næringartaflan hér fyrir neðan miðast við án olíu og soyahakk.
Næringargildi

INNIHALD:

  • 1 dós pintó baunir
  • 200g soyahakk
  • 70g tómatpúrra
  • 400g niðursoðnir saxaðir tómatar
  • 20g hvítlaukur
  • 140g laukur
  • 1x Kallo grænmetis kraftur
  • 1x Kallo tómat kraftur

HUGMYNDIR AÐ MEÐLÆTI

  • Spagettí
  • Ferskur basil, setja út á réttinn þegar hann er borinn fram.
  • Ofnbakaðir kartöflubátar m/ olíu, salti, hvítlauksdufit og muldu blóðbergi (timjan)
  • Næringarger.
  • Þessi réttur gengur líka fínt inní vefjur, pítur eða lasagna.

LEIÐBEININGAR:

  • Steikið laukinn & hvítlaukinn á pönnunni með vatni þar til laukurinn er orðinn glær, gott að bæta msk af vatni á í einu til að setja ekki of mikið.
  • Bætið hakki úta, tómatpúrru, niðursoðnu tómötunum og svo vatni eftir þörfum. 400mL er oftast fínt magn, soyahakkið dregur alveg svakalega í sig, ef notað er forsoðið bygg eða linsubaunir þarf mjög lítið vatn.
  • Þegar vatnið er komið bætið þá grænmetis og tómat kraftinum saman við, látið malla í 15-20 mín í viðbót eða þar til vatnið lítið og hakkið að hóta að festast við pönnuna, slökkvið undir.
  • Skolið pintó baunirnar og bætið við.
  • Saltið eftir smekk þegar komið er á diskana, sumum finnst nóg salt í grænmetisteningunum, en með því að sleppa því að elda saltið er hægt að komast upp með að nota mun minna af því.

Soyakjöt í hvítlauk & rauðvíni

Ég er búin að malla allskonar útgáfur af þessum rétt,
er eiginlega í miklu uppáhaldi hjá mér og því tilvalið að deila henni með ykkur,
er mjög bragðríkur réttur sem hefur verið vinsæll í pálínuboðum.

Soyakjöt í hvítlauk & rauðvíni

Hérna vafði ég honum innan í Phyllo deig, smurði með matarolíu og bakaði í ofni, fékk því aðeins meiri hátíðarbrag á hann.

INNIHALD MARÍNERING:

  • 2 tsk timjan
  • 1/2 tsk Rosemarín
  • 1 msk hvítlauksduft
  • 2 msk soyasósa
  • 2 msk Matarolía

INNIHALD:

  • 500-560g Soyakjöt
  • (Ég hef notað hreint Tzay, hreint Oumph! ásamt garlic & Thyme Oumph! með góðum árangri í þennan rétt).
  • Rauðvín (180mL)
  • 70g tómatpúrra
  • 350g gulrætur
  • 50g sellerí stilkar
  • 20g grænmetis kraftur
    (ég nota 2x Kallø grænmetis tening en hægt að skipta út fyrir svipað magn af öðrum grænmetiskraft)
  • 500mL Oatly matreiðslurjómi, (Kemur líka vel út einfaldlega með vatni í stað rjómanns)
  • 3-4 hvítlauks geirar (c.a. 15g)
  • 6 msk næringarger
  • 2 msk Maizenamjöl
  • 350g gulrætur
  • 50g sellerí stilkar
  • 200g skarlot laukur (rauðlaukur fínn, ef ekki finnst)
  • Kartöflur sem meðlæti

/></p>
<p align=LEIÐBEININGAR:

  • Saxa soyakjötið frekar smátt og setja í skál, hrærið hvítlauksduftinu, timjan og rósemarín saman við soyakjötið.
  • Pískið saman matarolíuna og soyasósuna, hellið yfir soyakjötið, hrærið vel saman og látið marínerast 30 mín c.a. tilvalið að undirbúa áfram á meðan.

  • Skerið gulrætur og sellerí frekar smátt og steikið á pönnu, hægt er að sleppa olíu hér og nota vatn þar sem það er olía í soyakjöti almennt og í maríneringunni, en einnig hægt að steikja grænmetið upp úr olíu, fer eftir smekk.

  • Skerið púrlauk fínt og bætið á pönnuna þegar gulræturnar eru farnar að mýkjast, pressið hvítlaukinn einnig út á, steikið þar til laukur verður örlítið glær.

  • Bætið soyakjöti út á og steikið í 1-2 mín, bætið svo rauðvíni og látið það sjóða niður.

  • Takið frá c.a. 1 dl af hafrarjómanum og setjið rest út á pönnuna ásamt næringargeri, tómatpúrru og grænmetiskraft.
  • Þegar rétturinn er farinn að malla bætið maísmjöli við dl af hafrarjómanum, hristið saman og bætið varlega út í réttinn meðan hann mallar til að þykkja.

Mér finnst gott að bera fram með kartöflumús, eða einfaldlega pakka inn í phyllo deig, ofbaka og bjóða upp á brúnaðarkarftöflur með ásamt sveppasósu.

Njótið vel,
Kveðja Vigdís

Mexikönsk súpa

Það eru allskonar útgáfur til af Mexikó súpum bæði vegan og með dýraafurðum, mér datt því í hug að deila minni útgáfu.

Þessi útgáfa er nú frekar einföld og hægt að grípa í hana frosið niðurskorið grænmeti úr frystunum í matvöruverlsunum.

INNIHALD – SÚPAN:

  • 1 L Plöntumjólk
  • (Ég nota bláa provamel soyamjólk, finnst hún gefa creamy áferð, en hvaða plöntumjólk sem er dugar fyrir þá sem ekki þola soya).
  • 1 krukka salsa sósa (250-300g)
  • 1 dós kókosmjólk
  • 1/2 msk Túrmeric
  • 1/2 msk Paprikuduft
  • 35g grænmetis kraftur
    (ég nota 1x Kallø grænmetis tening og 2x Kallø tómat tening, en hægt að skipta út fyrir svipað magn af öðrum grænmetiskraft)
  • 70g tómatpúrra
  • 1x laukur (100-150g)
  • 3-5 geirar Saxaður hvítlaukur (c.a. 35g)
  • 1 chilli (15g c.a.)
  • 3-5 límónulauf (lime leaves).
  • 1/2 tsk kóríanderfræ
  • 1 Rauð paprika (200g c.a.)
  • Matarolía til steikingar
    (má sleppa og nota smá vatn í staðin til að steikja uppúr).

INNIHALD – BÆTT VIÐ EFTIR AÐ SÚPAN ER TILBÚIN:

  • 1 dós Maísbaunir
  • 1 dós Kjúklingabaunir
  • 1 dós Pintobaunir eða svartbaunir
  • 1 Sæt kartafla (600g c.a.)
  • Matarolía, salt, timjan & hvítlauksduft á kartöfluna.

 

Hitið ofninn í 170°C á blæstri
(til að ofnbaka kartöfluna í teningum)

LEIÐBEININGAR:

  • Byrja á því að rista kóríanderfræin á meðalhita í potti, myl svo í mortéli.
  • Grænmetið saxað fínt, laukur, chilli, kóríanderfræin og hvítlaukur svitað í pottinum með matarolíu eða vatni.
  • Paprikunni bætt út í og steikt aðeins lengur.
  • Grænmetiskraft, púrru, túrmerik, paprikudufti, plöntumjólk, kókosmjólk, salsasósunni og límónulaufum bætt í pottinn.
  • Látið malla eins lengi og er tími fyrir, því lengur því betra. Súpan verður þykk þannig en ef það er lítill tími má stytta sér leið með að hrista saman smá maizenamjöl og kalda soyamjólk til að þykkja súpuna með.

 

Mér finnst gott að bæta ofan í súpuna ofnbakaða sæta kartöflu með smá olíu, timjan, hvítlauksdufti og salti ásamt baunum til að hún sé matarmeiri. Til eru frábærir vegan rjómaostar og sýrður rjómi sem hægt er að bera súpuna fram með ásamt tortilla flögum til að mylja yfir.

Njótið vel,
Kveðja Vigdís

Auðveldur Smjörbaunaréttur

Afar einfaldur Smjörbaunaréttur sem tekur aðeins 20-30 mín að útbúa, mjög góður með kínóa, hrísgrjónum eða pasta.

INNIHALD:

  • 1 Rauð paprika
  • 4-6 tómatar
  • 3 sellerí stönglar
  • 2 gullrætur
  • 1 Rauðlaukur
  • 2 hvítlauksgeirar
  • Salt
  • Hvítvíns edik
  • Matarolía

LEIÐBEININGAR:

Steiktu laukin upp úr olífuolíu ásamt því að setja pressaðann hvítlaukinn út í, Bættu svo við skornum gulrótunum (skolaðar, með hýði). Næst eru tómatarnir skornir í bita með öllu gumsiu innaní, sellerí stilkarnir og paprikan skorin í bita og bætt út í. Baunirnar fara næst með safanum. Svo 2 msk af ediki og 2msk af olífuolíu. Baunasafinn, edikið og olífuolían er galdurin við góðann baunarétt. Láttu þetta sjóða svoldið niður svo að sósan verði ponsu þykkari og voila serve!

Njótið vel,
kveðja Vigdís

Jakaber í sjávarréttabúningi

Samblandan af framandi jakaberjunum og íslenskum stórþara spilar æðislega vel saman í þessum rétti sem ber sterkan keim af plokkfiskrétti. Ég sé fyrir mér að hafa þennan rétt á boðstólnum í hverjum mánuði. Sjávarbragð er nefnilega eitthvað sem ég kann vel að meta.

Jakaber eða Saðningaraldin er dásamlegur ávöxtur, betur þekktur sem Jackfruit á ensku. Ég hef ekki enn gerst svo heppin að smakka hann ferskann, einungis niðursoðinn í saltvatni. Hann er álíka og tófú, bragðlítill einn og sér en býður upp á heilmarga möguleika í matreiðslu. Áferðin er ólík öðru sem ég hef matreitt á vegan ferðalagi mínu í eldhúsinu. Blautt og tætist niður í skemmtilega áferð. Ég held að allir hafi gott af því að bæta sjávarfangi á diskinn sinn. En það þarf ekki að koma frá dýrum. Hafið er yfirfullt af hundruðum ef ekki þúsundum plantna sem við höfum ekki enn fengið að smakka.

 

INNIHALD:

  • 2 msk af vegan smjöri
    (ég notaði Earth Balance sem fæst m.a. í Hagkaup og Gló-Fákafeni. Einnig er hægt að nota Nutana úr Krónunni eða gamla smjörlíkið)
  • 1/2 laukur
  • 2 hvítlauksgeirar
  • 1 tsk karrý
  • 1 tsk grænmetiskraftur
  • 3 msk hveiti
  • 3-4 dl af jurtamjólk
    (ég notaði haframjólk með góðum árangri. Ég hugsa að sojamjólk komi alveg jafn vel út)
  • 1 tsk af Kelp stórþara
  • 3 msk vatn
  • 1 dós af Jakaberjum
    (Young Green Jackfruit in Brine)
  • 300 gr af soðnum kartöflum
  • Salt og pipar eftir smekk. Ég mæli með ca 1/2 tsk hvort. En um að gera að prófa sig áfram, smá í einu.

LEIÐBEININGAR:

  1. Sjóðið kartöflur, ca 300 gr.
  2. Bræðið smjörið á pönnu, steikið laukinn í nokkrar mínútur þar til hann verður glærleitur.
  3. Bætið smátt skornum hvítlauki við, ásamt karrýinu og grænmetiskraftinum, leyfið að malla á pönnunni í ca mínútu.
  4. Blandið hveitinu vel saman við.
  5. Bætið nú mjólkinni út á pönnuna, einn dl í einu og hrærið vel á milli. Mér finnst betra að hafa réttinn blautari og nota því 4 dl í stað 3ja.
  6. Bættu stórþarakornunum út í ásamt vatninu og hrærðu því vel saman við.
  7. Nú er komið að skemmtilega partinum, að rífa niður aldinkjötið. Í hverjum bita er harður partur, svipað og á ananas. Ég hef ekki notað þann part þar sem hann er ekki með áferðina sem ég sækist eftir. Í stað þess að skera það af nota ég hendurnar því þá næ ég að nýta aldinkjötið sem best. Í sumum bitum eru misstór fræ og belgurinn utan um þau, ég fjarlægi það líka. Bætið þessu jafnóðum á pönnuna, sjá mynd að neðan.
  8. Erfiðasti parturinn varðandi þennan rétt er að skræla heitar kartöflurnar. Ég mæli með að vera búin að sjóða þær aðeins fyrr og ná að kæla þær í vatni. Skera þær svo í litla bita og bæta út á pönnuna.
  9. Látið réttinn malla á lægsta hita í 4-7 mínútur, svo jakaberin nái að draga bragðið í sig.
  10. Hægt er að útfæra réttinn á nokkra vegu eins og sést fyrir neðan. Þetta dugir fyrir ca 2-3 fullorðna.

Búið að hella safanum frá. Nú bíða bitarnir eftir því að verða bætt á pönnuna

Niðurtætt jakaber komin á pönnuna.

LEIÐBEININGAR – AÐRAR ÚTFÆRSLUR:

  1. Hægt er að setja réttinn í eldfast mót og inn í ofn þegar öllu hefur verið blandað saman. Með rifnum vegan osti yfir. Gott er að hafa ferskt salat með eða létt gufusoðið spergilkál (með smá salti og næringargeri yfir, því það er æðislega gott).
  2. Það er jafnvel hægt að vefja þessu inn í nori þarablöð eins og notað er í sushi gerð. Það gerir þetta að mínu mati ennþá betra og dýpkar sjávarbragðið enn meira. Nori blöðin verða þó blaut og örlítið seig undir tönn, en það er algjörlega þess virði. Ég lofa! Það er fallega litríkt að bera þetta fram með soðnum rófum, gulrótum og blómkáli.

    Hér hefur réttinum verið komið fyrir í nori blaði. Rúllað saman á álíka hátt og tortilla.

Ekki láta það draga úr þér máttinn að prófa þetta þó þú hafir aldrei heyrt um Kelp eða Jakaber, hvað þá keypt það. Ég mæli sterklega með því að Kelp sé eitthvað sem þú bætir við í eldhússkápinn. Ég mun bæta við fleiri réttum innan tíðar með þessu innihaldsefni auk þess sem það geymist ákaflega vel í loftþéttum umbúðum. Inn á síðu Íslenskrar Hollustu er hægt að finna sölustaðina.

Jakaber er yfirleitt hægt að fá í Fiska.is – Asian Supermarket, í Asian Market í Faxafeni (beint á móti 66°norður) og í Vietnam Market á Suðurlandsbraut. Passa samt upp á að kaupa dós merkta Young Green Jackfruit in Brine, í saltvatni – ekki í sýrópi.

Verum hugrökk í eldhúsinu,
kveðja Elísabet

Kanilsnúðar

Flestir kanilsnúðar eru sjálfkrafa vegan í búðum og bakaríum en heimagerðar uppskriftir eru ótrúlega oft með mjólk, eggjum og smjöri sem er alls ekki nauðsynlegt. Hér er uppskrift frá mömmu heitinni sem er ,,sjálfkrafa“ vegan og fáránlega góðir!

INNIHALDS EFNI:

  • 700gr hveiti
  • 1 1/2 tsk salt
  • 80gr sykur
  • 4 tsk þurrger
  • 4 dl volgt vatn
  • 1 dl jurtaolía

 

KANILSYKURINN:

  • 6 msk sykur
  • 1 msk kanill

Hitið ofninn í 50°C

LEIÐBEININGAR:

Blandið þurrefnunum saman með hrærivél, bætið svo vatninu og olíunni saman við, varlega fyrst og aukið svo hraðan. Degið þarf að hnoða í vel. Látið hefast með rökum klút yfir í 20-30 mínútur.

Fletjið degið út nokkurn vegin kassalaga, stráið kanilsykrinum yfir og rúllið upp í lengju, ég set smá olíu á fyrst en alls ekki nauðsynlegt.

Ég loka kantinum með með vatni og sleppi auka olíunni. Skerið í bita og setjið á bökunarplötu og inn í ofn í 45 mínútur til að hefast meira. Hægt að úða vatni á snúðana 2-3x (mamma gerði það, ég er of löt), takið snúðana út eftir hefun.

Hitið ofninn í 220°C

Bakið í 10-15 mínútur, lengd fer eftir ofnum svo mikilvægt að fylgjast vel með fyrst og skrá tímann á sínum ofni.

Einfaldur kakó, flórsykurs og vatns glassúr er mjög fínn á þessa snúða, en gætið þess að setja ekki á fyrr en þeir eru alveg kaldir, annars lekur glassúrin út um allt. Ég hef líka einfaldlega brætt suðusúkkulaði yfir og leyft að harðna eða gert glassúr með vegan matarlitum.

 

 

Njótið vel,
Kveðja Vigdís

 

Smalabaka

Það sem mér finnst dásamlegast við smalabökur er fjölbreytileikinn og hvað margar útgáfur eru til, mér datt því í hug að deila minni útgáfu.

 

Ég elska smalabökur úr Puy linsum því það helst svo gott bit í þeim þrátt fyrir mikla eldun, ég hef verið að tilraunast með soyahakk og allskonar baunir en enda alltaf aftur í þessari því mér finnst hún einfaldlega best. Hráefnið í þessari smalaböku er einnig mjög aðgengilegt t.d. hef ég eldað hana á Siglufirði allt til í hana kjörbúðinni þar.

INNIHALD:

  • 3 dl – Grænar Puy linsur (hægt að skipta út fyrir aðrar linsur)
  • 2 L vatn
  • 1 sellerí stöngull (c.a. 30g)
  • 2-3 gullrætur (c.a. 100g)
  • 1 laukur (c.a. 150g)
  • 35g grænmetis kraftur
    (ég nota 1x Kallø franskur lauk tening og 2x Kallø tómat tening, en hægt að skipta út fyrir svipað magn af öðrum grænmetiskraft)
  • 70g tómatpúrra
  • 750g soðnar Kartöflur
  • Saxaður hvítlaukur (c.a. 10g)
  • 3 dL Plöntumjólk
    (Ég nota bláa provamel soyamjólk, finnst hún gefa creamy áferð, en hvaða plöntumjólk sem er dugar fyrir þá sem ekki þola soya)
  • 70g smjörlíki eða matarolíu
    (má sleppa og nota smá vatn í staðin til að steikja uppúr. Til eru flott vegan smjör t.d. Earth Balance Organic úr Gló og Nutana úr Krónunni)
  • Salt

Hitið ofninn í 170°C á blæstri.

LEIÐBEININGAR – BAUNAFYLLINGIN:

  • Vatnið og linsurnar settar í pott.
  • Grænmetiskraft og púrru bætt út í vatnið.
  • Grænmetið saxað fínt, helst svipað smátt og linsurnar, gætið þess þó að merja ekki laukinn og sellerí stilkinn.
  • Setjið grænmetið út í og sjóðið í c.a. 40 mínútur, gætið þess að hræra vel í í lokin svo það brenni ekki við þar sem blandan þykknar auðveldlega. Suðutími er misjafn, því best að miða við að það sé en bit í linsunum frekar en nákvæmann tíma.

LEIÐBEININGAR – KARTÖFLUMÚSIN:

  • Sjóðið kartöflurnar og afhýðið þegar tilbúnar.
  • Setjið smörlíkið og hvítlaukinn út í pott og steikið í stutta stund.
  • Bætið kartöflunum út í og stappið saman við smjörlíkið.
  • Bætið soyamjólkinni saman við og stappið þar til kartöflumúsin er orðin nokkuð jöfn.

LEIÐBEININGAR – SMALABAKAN:

Setjið fyllinguna í eldfast mót og bætið kartöflu mús ofan á, bakið við 170°C í 20 mínútur eða þar til kartöflumúsin er orðin fallega gyllt.

Mér finnst gott að bera fram með fersku salati og létt soðnu spergilkáli, en í raun hvað sem er gengur.

Njótið vel,
Kveðja Vigdís

Heimagert Mayjónes

Verður að c.a. 250-300g

Gott er að hafa í huga að ekki öll plöntumjólk binds olíunni vel, lykilatriði hér er ertu prótein, soyabaunin er einmitt erta. Hægt er að nota t.d. safann af kjúklingabaunum (AquaFaba) sem eru einnig ertur eða af grænum ertum. En sem dæmi þá á Möndlumjólk það til að gera mayjónesið meira fljótandi og það skilur sig auðveldlega.

Ég persónulega vil hafa mayjónesið mitt hlutlaust og alls ekki of súrt, ég bæti & krydda svo til að fá aðrar sósur eins og sjá má neðst í uppskriftinni, en grunn mayjónesið mitt er mjög milt, okkurat eins og ég vil hafa það.

INNIHALD:

  • 100g Soya Mjólk
    (Ég nota Bláa Provamel sem er sætt með eplum ekki hvítum sykri)
  • 1/2 tsk salt
  • 1/5 – 1/4 tsk sinnepsduft (c.a. 1mL)*
  • 1/5 – 1/4 epla edik (c.a. 1mL)*
  • 1/5 – 1/4 tsk Laukduft (c.a. 1mL)
  • 2 tsk hreint hlynsýróp
  • 200g Matarolía

*Hægt er að skipta út eplaediki & sinnepsdufti fyrir tsk af dijon sinnepi.

 

LEIÐBEININGAR:

  1. Setjið plöntu mjólkina, saltið, sinnepsduftið, laukduftið, edikið & sýrópið í blandarann. Stillið blandarann á lítinn hraða og blandið.
  2. Hellið olíunni rólega ofan í á meðan blandarinn er enn í gangi.
  3. Setjið lokið aftur á og blandið þar til er kremkent og alveg stíft.
    Á sumum blöndurum þarf að stoppa og hrista og setja af stað nokkru sinnum, en í góðum blandara (2-3 hestöfl) þá verður það mjög stíft og flott með því að gera í einum rykk.

KOKTEILSÓSA:
Bæti við 4tsk af kartöfukryddi (ég nota frá Santa-María úr bónus það er vegan), eyk sinnepsduftið upp í 1/2 tsk og set c.a. 50g af tómatsósu.

REMÚLAÐI:
Bæti við 1tsk af túrmerik, 1- 2 msk af sætu sinnepi & söxuðum súrum gúrkum. Magn af gúrkum fer auðvitað eftir smekk en hefðbundin hlutföll eru 50/50.
Ég er hrifnust af ,,ORA agúrku salati“ fyrir þessa uppskrift, ég þerra gúrkurnar smá á tauþurku svo þær geri remúlaðið ekki of vatnskennt.

PÍTUSÓSA:
Bæti við 1-2 msk af ,,herbs de providence“ sem er frönsk kryddjurtarblanda oftast samansett úr Blóðbergi (timían), kjarrmyntu (oregano), Sædögg (Rósmarín), Kryddmæru (majoram) & Savory (kryddplanta af varablómaætt) en þessi kryddblanda einkennir pítusósubragðið. Ástæðan fyrir því að ég tek fram hvað er í kryddblöndunni er að kannski eru fleiri eins og ég sem eiga flest kryddin sín ,,hrein“ og vilja frekar blanda sjálfir til að vita nákvæmlega hvað fer í matinn sinn, sem og að mér finnst sósan bragðast ótrúlega svipað ef ég sleppi kryddmæru og savory (á það oftast ekki til, a.m.k. ekki savory).

HVÍTLAUKS GRILL SÓSA:
Bæti við annað hvort 2 tsk af hvítlauksdufti eða ég gylli hvítlauk í hluta af olíunni sem fer saman við soyamjólkina í byrjun ferlisins. Hvítlaukur er gylltur með því að skera hann í tvennt og leggja á pönnu með olíu, þar til sárið verður gullbrúnt og olían nær að mýkja hann alveg upp í topp, best er að gylla með hýðið á, láta svo kólna og fjarlægja svo úr hýðinu. Mér persónulega finnst þetta meira gúrmé úr gylltum hvítlauk en nota alveg duftið í hallæri og þegar mér liggur á. Gyllti hvítlaukurinn maukast saman við allt í blandaranum ásamt olíunni sem hann var gylltur uppúr.

SINNEPSSÓSA:
Bæti við í lokin 160g sætt franskt sinnep (þá gaf uppskriftin mér 250g af mayjonesi), 10g sykur og 2g dill.

CHILLI MAYJÓ:
Mér finnst best að nota Sambal Oelek chilli mauk en ég hef líka maukað sjálf úr chilli og smá hvítlauk, það er frábært ef maður hefur tíma til að leyfa sósunni að ,,sitja“ smá. Ég hef verið að nota c.a. 40g af Sambal Oelek á móti einni uppskrift af mayjónesi (250g) en það er um að gera að finna þau hlutföll sem hentar manni best sjálfum.

AIOLI:
Droppa einum buff hvítlauk (þessir risastóru) á móti einni uppskrift af mayjónesi (250g), hvítlaukinn sýð ég heilann í hýðinu í 15-20 mín, læt kólna og svo er auðvelt að smokra geirunum úr hýðinu. Svo pressa ég geirana í hvítlaukspressu ofan í mayjonesið. Mér finnst gott að bæta smá salti í þetta.

 

 

 

Njótið vel,
Kveðja Vigdís